Գրքի շնորհանդես Առնհեմ քաղաքում

29 ապրիլի, 2022

Ապրիլի 29-ին Առնհեմ քաղաքի հայ առաքելական եկեղեցում տեղի ունեցավ Նիդերլանդներում Հայաստանի Հանրապետության դեսպանի գործավար-օգնական Արայիկ Միրզոյանի «Սեր և անուրջներ» գրքի շնորհանդեսը, որին ներկա էին Նիդերլանդներում ՀՀ դեսպանության անձնակազմը՝ դեսպանի գլխավորությամբ, Ալմելոյի հայ առաքելական եկեղեցու հոգևոր հովիվը, Նիդերլանդների հայ համայնքի մի շարք ներկայացուցիչներ և արվեստասերներ։ Տեղի ունեցավ երաժշտական ծրագիր, որի ընթացքում ելույթ ունեցան Մաաստրիխտի կոնսերվատորիայի հայ ուսանողները՝ ջութակահարուհի Գայանե Միրզոյանի գլխավորությամբ։

Երեկոյի ընթացքում դեսպան Տիգրան Բալայանը, Առնհեմի հայ առաքելական եկեղեցու կառավարման խորհրդի անդամ Շանթ Սիմոնյանը և Ալմելոյի հայ առաքելական եկեղեցու կիրակնօրյա դպրոցի տնօրեն Սվետլանա Անդրեսյանն անդրադարձան Արայիկ Միրզոյանի ստեղծագործական կյանքին՝ մաղթելով նրան նորանոր հաջողություններ իր հետագա նախաձեռնություններում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր